சென்னை: சுதா கொங்கரா இயக்கத்தில் வரும் ஜனவரி 10ம் தேதி திரைக்கு வரும் படம், ‘பராசக்தி’. இதில் சிவகார்த்திகேயன் ஜோடியாக ஸ்ரீலீலா நடித்துள்ளார். இதையடுத்து சிவகார்த்திகேயன் நடிக்கும் படத்தை வெங்கட் பிரபு எழுதி இயக்குகிறார். சயின்ஸ் பிக்‌ஷனுடன் கூடிய டைம் டிராவல் கதை கொண்ட இதில், சிவகார்த்திகேயன் ஜோடியாக கல்யாணி பிரியதர்ஷன் நடிக்கிறார்.

தமிழில் சிவகார்த்திகேயன் ஜோடியாக ‘ஹீரோ’ என்ற படத்தில் அறிமுகமான கல்யாணி பிரியதர்ஷன், பிறகு வெங்கட் பிரபு இயக்கிய ‘மாநாடு’ படத்தில் சிம்பு ஜோடியாக நடித்தார். வெங்கட் பிரபு, சிவகார்த்திகேயன், கல்யாணி பிரியதர்ஷன் மீண்டும் இணையும் புதிய படத்தை சத்யஜோதி பிலிம்ஸ் தயாரிக்கிறது.

‘லோகா சாப்டர் 1: சந்திரா’ படத்தில் சூப்பர் வுமனாக நடித்து பிரபலமான கல்யாணி பிரியதர்ஷன், தமிழில் திரவியம் இயக்கும் படத்தில் நடித்து வருகிறார். ரவி மோகனுடன் நடித்த ‘ஜீனி’ படத்தின் படப்பிடிப்பு முடிந்துவிட்டது. ‘டாணாக்காரன்’ படத்தின் இயக்குனரும், ‘சிறை’ படத்தின் கதாசிரியருமான நடிகர் தமிழ் இயக்கும் ‘மார்ஷல்’ படத்தில் கார்த்தி ஜோடியாக நடிக்கிறார்.