காஷ்மீர்: ஜம்மு – காஷ்மீரில் எல்லை தாண்டிய பயங்கரவாதம் இருப்பதால், அங்கு கூடுதல் பாதுகாப்பு போடப்பட்டுள்ளது. பாகிஸ்தானில் இருந்து ஊடுருவும் தீவிரவாதிகள், உள்ளூர் மக்கள் சிலரது ஆதரவுடன் ஆங்காங்கே தீவிரவாத செயல்களில் ஈடுபட்டு வருகின்றனர். அவர்களை அவ்வப்போது பாதுகாப்பு படையினர் ஒடுக்கி வருகின்றனர். இந்நிலையில் கடந்த ஓராண்டில் மட்டும் ஜம்மு காஷ்மீரில் நடந்த பல்வேறு பயங்கரவாத எதிர்ப்பு நடவடிக்கைகளில் 45 பாகிஸ்தானியர்கள் உட்பட 75 பயங்கரவாதிகளை பாதுகாப்புப் படையினர் சுட்டுக் கொன்றுள்ளனர்.
ஆனால் ஜம்மு-காஷ்மீருக்குள் தொடர்ந்து பயங்கரவாதிகளை அனுப்பும் பணியை பாகிஸ்தான் தீவிரவாத அமைப்புகள் முயற்சி செய்து வருகின்றன. அதேநேரம் பாதுகாப்புப் படையினர் அவர்களின் மோசமான சதி திட்டங்களையும் முறியடித்துள்ளனர். 2024ம் ஆண்டு ஜனவரி முதல் டிசம்பர் வரை, ஜம்மு-காஷ்மீரில் ஊடுருவல் முயற்சிகளை முறியடித்ததைத் தவிர, பல்வேறு என்கவுன்டர்கள் நடவடிக்கைகளும் எடுக்கப்பட்டுள்ளன. ஏராளமான ஆயுதங்களும் பறிமுதல் செய்யப்பட்டுள்ளன என்று தகவல்கள் தெரிவிக்கின்றன.
The post ஜம்மு – காஷ்மீரில் ஓராண்டில் 75 தீவிரவாதிகள் சுட்டுக் கொலை appeared first on Dinakaran.
