அண்ணாமலையின் நண்பரான கர்நாடக பாஜக எம்பிக்கு சென்னை பாடகியுடன் திருமணம்

பெங்களூரு: அண்ணாமலையின் நண்பரான கர்நாடக பாஜக எம்பி தேஜஸ்வி சூர்யாவுக்கும் சென்னை பாடகி சிவஸ்ரீ ஸ்கந்தபிரசாத்துக்கும் திருமணம் நடைபெறவுள்ளதாக தகவல்கள் தெரிவிக்கின்றன. தமிழக பாஜக தலைவர் அண்ணாமலையின் நண்பரான கர்நாடகா மாநிலத்தை சேர்ந்த தெற்கு ெதாகுதி பாஜக எம்.பி. தேஜஸ்வி சூர்யாவுக்கும், சென்னையை சேர்ந்த பிரபல பாடகரும், பரதநாட்டிய நடனக் கலைஞருமான சிவஸ்ரீ ஸ்கந்தபிரசாத்திற்கும் திருமணம் உறுதி செய்யப்பட்டதாக தகவல்கள் தெரிவிக்கின்றன. இந்த திருமணத்தில் அரசியல் மற்றும் கலைத் துறைகளைச் சேர்ந்தவர்கள் கலந்து கொள்வார்கள் என்று எதிர்பார்க்கப்படுகிறது. ஆனால் இந்த திருமண செய்தி குறித்து தேஜஸ்வி சூர்யாவால் அதிகாரப்பூர்வமாக எதுவும் ெதரிவிக்கப்படவில்லை.

தேஜஸ்வி சூர்யா – சிவஸ்ரீஸ்கந்தபிரசாத் திருமணம் வருகிற மார்ச் 4ம் தேதி பெங்களூருவில் நடைபெற உள்ளது. தேஜஸ்வி சூர்யாவின் வருங்கால மனைவி சிவஸ்ரீஸ்கந்த பிரசாத், கர்நாடக இசைப் பாடகர் மட்டுமின்றி பரதநாட்டிய கலையும் பயின்றவர் ஆவார். சாஸ்த்ரா பல்கலைக்கழகத்தில் உயிர் பொறியியலில் இளங்கலை பட்டம் பெற்ற அவர், சென்னை பல்கலைக்கழகத்தில் பரதநாட்டியத்தில் எம்ஏ பட்டமும், சென்னை சமஸ்கிருத கல்லூரியில் சமஸ்கிருதத்தில் எம்ஏ பட்டமும் பெற்றுள்ளார். சமூக ஊடகங்களிலும் மிகவும் பிரபலமான அவரை, ஒரு மில்லியனுக்கும் அதிகமான மக்கள் பின்தொடர்கிறார்கள். பொன்னியின் செல்வன்- 2 திரைப்படத்தின் கன்னட பதிப்பிற்கு தனது குரலை வழங்கினார் என்பது குறிப்பிடத்தக்கது.

The post அண்ணாமலையின் நண்பரான கர்நாடக பாஜக எம்பிக்கு சென்னை பாடகியுடன் திருமணம் appeared first on Dinakaran.