மும்பை: நடிகை ஊர்மிளாவின் கார் மோதியதில் மும்பையில் மெட்ரோ தொழிலாளி ஒருவர் பரிதாபமாக உயிரிழந்தார். மராத்திய நடிகை ஊர்மிளா கோத்தாரே தனது படப்பிடிப்பை முடித்துவிட்டு காரில் வீடு திரும்பிக்கொண்டு இருந்தார். மும்பை காந்திவிலி பகுதியில் நள்ளிரவில் கார் வந்தபோது எதிர்பாராதவிதமாக பொய்சர் மெட்ரோ நிலையத்திற்குட்பட்ட மெட்ரோ பணிகளில் ஈடுபட்டு இருந்த இரண்டு தொழிலாளர்கள் மீது மோதியது.

இதில் ஒரு தொழிலாளி சம்பவ இடத்திலேயே பரிதாபமாக உயிரிழந்தார். மற்றொருதொழிலாளி படுகாயமடைந்தார். மேலும் விபத்தில் நடிகை மற்றும் அவரது ஓட்டுனரும் காயமடைந்தனர். இந்த விபத்து குறித்து நடிகையின் கார் ஓட்டுனர் மீது போலீசார் வழக்கு பதிவு செய்தனர். நடிகை ஊர்மிளா மராத்தியில் துனியாதாரி, இந்தியில் தேங்க் காட் உட்பட சில படங்களில் நடித்துள்ளார்.

The post நடிகை கார் மோதி தொழிலாளி பலி appeared first on Dinakaran.