ஊட்டி, டிச.25: ஊட்டியில் மாவட்ட திமுக அலுவலகத்தில் கிறிஸ்துமஸ் விழாவை முன்னிட்டு பள்ளி குழந்தைகளுக்கு பரிசுகள் வழங்கப்பட்டன. உலகம் முழுவதும் இன்று கிறிஸ்துமஸ் பண்டிகை வெகு விமர்சையாக கொண்டாடப்படுகிறது. இதனை முன்னிட்டு நேற்று முதல் அனைத்து தேவாலயங்களிலும் சிறப்பு திருப்பலிகள் துவங்கி நடந்து வருகிறது. மேலும், அனைத்து தேவாலயங்களும் மின் விளக்குகளால் அலங்கரிக்கப்பட்டு ஜொலிக்கின்றன.

இந்நிலையில், ஊட்டியில் திமுக அலுவலகத்தில் நேற்று கிறிஸ்துமஸ் விழா கொண்டாடப்பட்டது. விழாவில், மாவட்ட செயலாளர் முபராக் தலைமையில் பிரமாண்ட கேக் வெட்டப்பட்டு, பள்ளி குழந்தைகளுக்கு பரிசுகள் மற்றும் இனிப்புகள் வழங்கப்பட்டன. இவ்விழாவில், மாவட்ட துணை செயலாளர் ரவிகுமார், மாவட்ட பொருளாளர் நாசர் அலி, தெற்கு ஒன்றிய செயலாளர் பரமசிவன், பொதுக்குழு உறுப்பினர் பில்லன், தொரை, ஊட்டி நகராட்சி தலைவர் வாணீஸ்வரி உட்பட பலர் கலந்து கொண்டனர்.

The post நீலகிரி மாவட்ட திமுக சார்பில் ஊட்டியில் கிறிஸ்துமஸ் விழா appeared first on Dinakaran.