ஜம்மு: ஜம்மு காஷ்மீரில் தீவிரவாதிகளுக்கும் பாதுகாப்பு படையினருக்கும் நடந்த துப்பாக்கி சூட்டில் 5 தீவிரவாதிகள் கொல்லப்பட்டனர். ஜம்மு காஷ்மீர் மாநிலம் குல்காம் மாவட்டத்தின் பெஹிபாக் பகுதியில் உள்ள காடரில் தீவிரவாதிகள் பதுங்கி இருப்பதாக பாதுகாப்பு படையினருக்கு ரகசிய தகவல் கிடைத்தது. இதையடுத்து பாதுகாப்பு படையினர் தீவிர தேடுதல் நடவடிக்கையில் ஈடுபட்டனர்.
அப்போது, பதுங்கி இருந்த தீவிரவாதிகள் திடீரென பாதுகாப்பு படையினர் மீது துப்பாக்கி சூடு நடத்தினர். இதனையடுத்து தேடுதல் நடவடிக்கை என்கவுண்டராக மாறியது. இதனால், பாதுகாப்பு படையினரும் தீவிரவாதிகளை நோக்கி துப்பாக்கி சூடு நடத்தினர். இந்த சம்பவத்தில் 5 தீவிரவாதிகள் கொல்லப்பட்டனர். மேலும் 2 ராணுவ வீரர்கள் படுகாயமடைந்ததாகவும் தகவல்கள் தெரிவிக்கின்றன.
The post ஜம்மு காஷ்மீரில் 5 தீவிரவாதிகள் சுட்டுக் கொலை appeared first on Dinakaran.
