புழல்: புழல் அருகே அரசு பள்ளிகளுக்கு கூடுதல் வகுப்பறை கட்டிடங்களை காணொலி மூலம் முதல்வர் திறந்து வைத்தார். மாதவரம் மண்டலம் புழல் அடுத்த சூரப்பட்டு சென்னை நடுநிலைப்பள்ளியில் 6 வகுப்பறைகள் கொண்ட கட்டிடம், முருகாம்பேடு சென்னை தொடக்கப்பள்ளியில் 2 வகுப்பறைகள் கொண்ட கட்டிடம் சென்னை மாநகராட்சி சார்பில் சுமார் ₹2 கோடி மதிப்பீட்டில் கட்டி முடிக்கப்பட்டது. இக்கட்டிடத்தினை சமீபத்தில் முதல்வர் மு.க.ஸ்டாலின் காணொலி மூலம் திறந்து வைத்தார்.

இந்நிலையில், திறந்து வைக்கப்பட்ட 2 பள்ளிகளுக்கும் எஸ்.சுதர்சனம் எம்எல்ஏ மேற்பார்வையில், மாதவரம் மண்டலக்குழு தலைவர் எஸ்.நந்தகோபால், மாதவரம் மண்டல அலுவலர் திருமுருகன், செயற்பொறியாளர் கார்த்திகேயன், 32வது வார்டு கவுன்சிலர் ஏழுமலை, உதவி செயற்பொறியாளர் பாஸ்கரன், உதவி பொறியாளர் தினேஷ் ராவ் ஆகியோர் பள்ளிகளுக்குச் சென்று மாணவ – மாணவிகளுக்கும், ஆசிரியர்களுக்கும் இனிப்புகளை வழங்கினர். இந்நிகழ்வில் மாநகராட்சி கல்வி அலுவலர் வசந்தி, உதவி கல்வி அலுவலர் கிரிஸ்டல் சுகந்தி, பள்ளி தலைமை ஆசிரியர்கள் சாந்தி, ஜெமிமா யூனிஸ், முன்னாள் ஊராட்சி மன்ற தலைவர்கள் துரை ராமுலு, அமுதன் பாஸ்கர், பள்ளி மேலாண்மை குழு தலைவர்கள் மற்றும் உறுப்பினர்கள், 32வது வார்டு திமுக நிர்வாகிகள், பள்ளி ஆசிரியர்கள், மாணவ – மாணவிகள் உட்பட பலர் கலந்துகொண்டனர். முடிவில் முருகாம்பேடு தொடக்கப்பள்ளி ஆசிரியர் மயில்வேலன் நன்றி கூறினார்.

The post புழல் பகுதி அரசு பள்ளிகளுக்கு கூடுதல் வகுப்பறை கட்டிடங்கள்: காணொலியில் முதல்வர் திறந்து வைத்தார் appeared first on Dinakaran.