அவிநாசி, மே 14: அவிநாசி கூட்டுறவு விற்பனை சங்கத்தில் நடைபெற்ற பருத்தி ஏலத்திற்கு, 362 பருத்தி மூட்டைகள் வந்திருந்தன. இதில், ஆர்சிஎச் பிடி. ரகப்பருத்தி குவிண்டால் ரூ.9,000 முதல் ரூ.10,133 வரையிலும், கொட்டுரக (மட்டரக) பருத்தி குவிண்டால் ஒன்றுக்கு ரூ.4,000 முதல் ரூ.5,400 வரை ஏலம் போனது. மொத்தம் ரூ.9 லட்சத்து 28 ஆயிரத்துக்கு பருத்தி ஏல வர்த்தகம் நடைபெற்றது. இந்த ஏலத்தில், ஈரோடு, திருப்பூர் மாவட்ட பகுதிகளிலிருந்து 73 பருத்தி விவசாயிகளும், 8 வியாபாரிகளும் ஏலத்தில் பங்கேற்றனர்.
