அவிநாசி,மே 8: அவிநாசியில் பதிவு செய்தும் காஸ் சிலிண்டர் விநியோகம் செய்யாததை கண்டித்து, வாடிக்கையாளர்கள் காஸ் சிலிண்டர் விநியோகம் செய்யும் நிறுவனத்தின் கிடங்கை நேற்று முற்றுகையிட்டனர்.
இதனால் பரபரப்பு ஏற்பட்டது. அவிநாசி மடத்துப்பாளையம் ரோட்டில் குருந்தங்காடு பகுதியில் காஸ் சிலிண்டர் விநியோகம் செய்யும் நிறுவனத்தின் கிடங்கு (கேஸ் குடோன்) உள்ளது.
இங்குள்ள அலுவலகத்தில் இருந்து வணிக பயன்பாட்டிற்கும், வீடுகளுக்கும் சப்ளை செய்யப்பட்டு வருகிறது. காஸ் சிலிண்டர் பதிவு செய்தும் விநியோகம் செய்யப்படுவதில்லை என்று ஆத்திரமடைந்த வாடிக்கையாளர்கள் 10க்கும் மேற்பட்டோர் இந்த குடோனை முற்றுகையிட்டு போராட்டம் நடத்தினர். இதனால் சிறிது நேரம் பரபரப்பு ஏற்பட்டது.
