காரைக்குடி : சிவகங்கை மாவட்டத்தில் காரைக்குடி, திருப்பத்தூர், சிவகங்கை, மானாமதுரை என 4 சட்டமன்ற தொகுதிகள் உள்ளன. காரைக்குடி சட்டமன்ற தொகுதியில் 3,03,371 வாக்காளர்களும் 388 வாக்குச்சாவடி மையங்களும் உள்ளன. சிவகங்கை சட்டமன்ற தொகுதியில் 2,76,156 வாக்காளர்களும், 393 வாக்குச்சாவடி மையங்களும் உள்ளன.

திருப்பத்தூர் சட்டமன்ற தொகுதியில் 2,73,456 வாக்காளர்களும், 368 வாக்குச்சாவடி மையங்களும், மானாமதுரை சட்டமன்ற 2,57,616 வாக்காளர்களும், 369 வாக்குச்சாவடி மையங்களும் உள்ளன.
காரைக்குடி தொகுதியில் உள்ள 388 வாக்குச்சவாடிகளில் 461 வாக்குப்பதிவு இயந்திரம், 461 கட்டுப்பாட்டு இயந்திரம், 492 வாக்களிப்பு சரிபார்ப்பு இயந்திரம் என 1414 இயந்திரங்கள் பயன்படுத்தப்பட உள்ளன.

திருப்பத்துர் தொகுதியில் உள்ள 368 வாக்குச்சாவடி மையங்களில் 437 வாக்குப்பதிவு இயந்திரம், 437 கட்டுப்பாட்டு இயந்திரம், 467 வாக்களிப்பு சரிபார்ப்பு இயந்திரம் என 1341 இயந்திரங்கள் பயன்படுத்தப்பட உள்ளன.மானாமதுரை தொகுதியில் உள்ள 369 வாக்குச்சாவடி மையங்களில் 439 வாக்குப்பதிவு இயந்திரம், 439 கட்டுப்பாட்டு இயந்திரம், 468 வாக்களிப்பு சரிபார்ப்பு இயந்திரம் என 1346 இயந்திரங்கள் பயன்படுத்தப்பட உள்ளன.

சிவகங்கை தொகுதியில் உள்ள 393 வாக்குச்சாவடி மையங்களில் 467 வாக்குப்பதிவு இயந்திரம், 467 கட்டுப்பாட்டு இயந்திரம், 499 வாக்களிப்பு சரிபார்ப்பு இயந்திரம் என 1433 இயந்திரங்கள் பயன்படுத்தப்பட உள்ளன. மொத்தம் உள்ள 4 தொகுதிகளில் 1518 வாக்குச்சவாடி மையங்களில், 1804 வாக்குப்பதிவு இயந்திரம், 1804 கட்டுப்பாட்டு இயந்திரம், 1926 வாக்களிப்பு சரிபார்ப்பு இயந்திரம் பயன்படுத்தப்பட உள்ளன.

வாக்குப்பதிவு முடிந்து 11 நாட்கள் மின்னணு வாக்குப்பதிவு இயந்திரங்கள் காரைக்குடி அழகப்ப செட்டியார் அரசு பொறியியல் மற்றும் தொழில்நுட்ப கல்லூரி வகுப்பறைகளில் பாதுகாப்பாக வைக்கப்பட உள்ளன. தவிர இக்கல்லூரியிலேயே வாக்குப்பதிவு எண்ணிக்கையும் நடக்கவுள்ளது.

அழகப்பா பொறியியல் கல்லூரி பிரதான கட்டிடம் முதல்தளம், இரண்டாம் தளம், வரைபட அறை, முருகப்பா அரங்கம் தரைத்தளம், முன்புறம் உள்ள முதல் தளம் ஆகியவற்றில் நான்கு தொகுதிகளின் பாதுகாப்பு அறை மற்றும் வாக்குப்பதிவு எண்ணிக்கை மையம் அமைக்கப்பட உள்ளது. இதற்காக ஏற்பாடுகள் தீவிரமாக நடந்தது வருகிறது.

இப்பணிகளை தேர்தல் பொது பார்வையாளர்கள் கஞ்சன்வெர்மா, ஷாமாபர்வீன், தேர்தல் செலவின பார்வையாளர்கள் மோகன்லால், கிருஷ்ணகுமார் பிரசாத், தேர்தல் காவல் பார்வையாளர் ரஷீத்முனிர்கான், கலெக்டர் பொற்கொடி, எஸ்.பி சிவபிரசாத் ஆகியோர் நேரில் பார்வையிட்டு ஆய்வு மேற்கொண்டனர்.