திருப்பூர்: திருப்பூர் திருமுருகன் பூண்டி பகுதியில் உள்ள தனியார் ஓட்டலில் தொழில் துறையினருடன் மத்திய அமைச்சர் பியூஸ் கோயல் கலந்துரையாடல் நிகழ்ச்சியில் பங்கேற்றார். இதில் என் டி ஏ வேட்பாளர்களுக்கு ஆதரவு திரட்டினார். இதனைத் தொடர்ந்து நிகழ்ச்சியில் பங்கேற்ற போது, தமிழ் தாய் வாழ்த்து இசைக்கப்பட்டது. அப்போது மேடைக்கு பின்புறம், தமிழ் தாய் வாழ்த்துக்கு மரியாதை செலுத்தாமல் அதிமுக மற்றும் பாஜக வேட்பாளர்கள் நாற்காலியில் அமர்ந்தவாறு ஹாயாக ஸ்னாக்ஸ் சாப்பிட்டனர்.

தமிழ்நாட்டில் தமிழ்த்தாய் வாழ்த்துக்கு மரியாதை கொடுக்காமல் வேட்பாளர்களை அமர்ந்து ஹாயாக ஸ்னாக்ஸ் சாப்பிட்ட சம்பவம் அங்கு கூடியிருந்தவர்களுக்கு அதிர்ச்சியை ஏற்படுத்தியுள்ளது.தற்போது இந்த வீடியோ சமூக வலைதளங்களில் வைரலாகி வருகிறது.