தஞ்சை: தஞ்சையும் சொல்லிவிட்டது: உதயசூரியனுக்குத்தான் எங்க ஓட்டு என்று என முதல்வர் மு.க.ஸ்டாலின் தெரிவித்துள்ளார். இது தொடர்பாக எக்ஸ் தளத்தில் பதிவிட்டுள்ள அவர்; ஸ்டாலினுக்கு முதலமைச்சராகும் யோகம் இல்லை” என ஜோசியம் சொன்னவர்களுக்கெல்லாம் 2021-இல் என் உழைப்பால் பதில் சொன்னேன். “தி.மு.க.வில் யாரும் தொடர்ந்து இருமுறை ஆண்டதில்லை” என்று அடுத்த கட்டுக்கதையை ஒப்பிக்கத் தொடங்கியிருக்கிறார்கள்.

கடந்த முறை வென்றதைவிட அதிக தொகுதிகளில் வென்று, தமிழ்நாட்டு மக்களின் ஆதரவோடு இதையும் உடைத்துக் காட்டுவேன். நான் கட்டங்களை நம்பியிருப்பவனல்ல; ‘முயற்சிதன் மெய்வருத்தக் கூலி தரும்’ எனக் கடின உழைப்பை நம்பும் கலைஞரின் மாணவன் என்று குறிப்பிட்டுள்ளார்.