மதுரை மாவட்டம், அலங்காநல்லூர் அருகே வாவிடமருதூர் கிராமத்தில் சோழவந்தான் தொகுதி திமுக வேட்பாளரும் எம்எல்ஏவுமான வெங்கடேசன் தனது முதற்கட்ட பிரசாரத்தை நேற்று ஆரம்பித்தார். அப்போது, அதே கிராமத்தை சேர்ந்த தவெக வேட்பாளரும், மாஜி அதிமுக எம்எல்ஏவுமான கருப்பையா எதிரே வந்து கொண்டிருந்தார்.

மந்தை திடலில் வெங்கடேசன் பிரசாரம் செய்வதை கண்ட தவெக வேட்பாளர் கருப்பையா, அவருக்கு சால்வை அணித்து மரியாதை செலுத்தினார். இச்சம்பவம் அங்கிருந்த திமுக, தவெக மற்றும் பொதுமக்களிடையே கவனத்தை ஈர்த்தது. அதிமுகவில் சீட் கிடைக்காததால் கருப்பையா, தவெகவில் இணைந்து சோழவந்தான் தொகுதியில் போட்டியிடுவது குறிப்பிடத்தக்கது.