நாகர்கோவில்: த.வெ.க. நிர்வாகி ஆதவ் ஆர்ஜூனாவுக்கு எதிராக ரஜினி ரசிகர்கள் ஒட்டி உள்ள போஸ்டர்கள் பெரும் பரபரப்பை ஏற்படுத்தி உள்ளன. சமீபத்தில் தமிழக வெற்றி கழகத்தின் சார்பில் நடந்த போராட்டத்தில் பேசிய அக்கட்சியின் தேர்தல் பிரசார மேலாண்மை பொது செயலாளர் ஆதவ் அர்ஜூனா, நடிகர் ரஜினிகாந்த் தொடர்பாக சில கருத்துக்களை தெரிவித்து இருந்தார். அவரது பேச்சுக்கு ரஜினி ரசிகர்கள் கடும் கண்டனம் தெரிவித்துள்ளனர். ஆதவ் ஆர்ஜூனா மற்றும் தமிழக வெற்றிக் கழகத்தை கண்டித்து பல்வேறு இடங்களில் போஸ்டர்கள் வெளியிட்டு எதிர்ப்பு தெரிவித்து வருகிறார்கள்.

குமரி மாவட்டத்திலும் ரஜினி ரசிகர்கள் சார்பில் நாகர்கோவில் மற்றும் பல்வேறு இடங்களில் போஸ்டர்கள் அச்சடித்து ஒட்டி உள்ளனர். குமரி மாவட்ட தலைமை ரஜினிகாந்த் ரசிகர்கள் நற்பணி மன்றம் சார்பில் ஒட்டப்பட்டுள்ள இந்த போஸ்டர்களில் த.வெ.க. நிர்வாகியான ஆதவ் அர்ஜூனாவுக்கு கடும் கண்டனத்தை தெரிவித்துள்ளனர். அந்த போஸ்டரில், மாமனார் சோற்றில் வாழும் உனக்கே இவ்வளவுன்னா, 75லும் உழைக்கும் தலைவனை கொண்ட எங்களுக்கு எவ்வளவு இருக்கும் என எச்சரித்துள்ளனர். எங்கள் இமயமலையின் உயரம் தெரியுமா? வரலாற்றில் பலரை அடக்கிய கூட்டம் இது. அடங்கு. இல்ைலயேல் அடக்குவோம் என எச்சரிக்கை செய்யும் வகையில் வாசகங்கள் உள்ளன. மேலும் சமூக வலைத்தளங்களிலும் ஆதவ் அர்ஜூனாவுக்கு பல்வேறு கண்டனங்களை, ரஜினி ரசிகர்கள் தெரிவித்து வருகிறார்கள்.