டெல்லி: தமிழ்நாட்டை போலவே பெண்களுக்கு கருப்பைவாய் புற்றுநோய்க்கு இலவச தடுப்பூசியை ஒன்றிய அரசு அறிவித்துள்ளது. நாடு முழுவதும் 14 வயதுக்குட்பட்ட பெண்களுக்கு இலவசமாக HPV தடுப்பூசி திட்டத்தை ஒன்றிய அரசு தொடங்க உள்ளது. ஒருமுறை செலுத்தப்படும் கர்டாசில் தடுப்பூசியை கருப்பை வாய் புற்றுநோய்க்கு ஒன்றிய அரசு வழங்க திட்டமிட்டுள்ளது. உலக சுகாதார நிறுவனம் பரிந்துரைப்படி சிறப்பு தடுப்பூசி திட்டத்தை செயல்படுத்த ஒன்றிய பாஜக அரசு திட்டமிட்டுள்ளது.

திமுக அரசு இலவச HPV தடுப்பூசி திட்டத்துக்கு ரூ.36 கோடியை 2025 பட்ஜெட்டில் ஒதுக்கீடு செய்தது. முதல்வர் மு.க.ஸ்டாலின் தலைமையிலான திராவிட மாடல் அரசு 2025லேயே கருப்பை புற்றுநோய்க்கு இலவச தடுப்பூசி அறிவித்தது. தமிழ்நாட்டில் 14 வயதுக்குள் 3 லட்சத்து 38 ஆயிரம் பெண்களுக்கு இலவச தடுப்பூசி செலுத்தப்பட உள்ளது.

இலவச HPV தடுப்பூசி செலுத்தும் திட்டத்தை கடந்த மாதம் முதல்வர் மு.க.ஸ்டாலின் தொடங்கிவைத்திருந்தார். இந்தியாவில் இரண்டாவதாக அதிக அளவில் பாதித்திருப்பது கருப்பைவாய் புற்றுநோய் ஆகும்.