வாஷிங்டன்: இந்தியா, அமெரிக்கா வர்த்தக ஒப்பந்தம் வரலாற்று சிறப்பு மிக்கது என அதிபர் டிரம்ப் கூறி உள்ளார். இதுகுறித்து நியூயார்க் நகரில் நடந்த ஒரு நிகழ்ச்சியில் அதிபர் டிரம்ப் பேசும்போது, “எங்கள் ஆட்சியில் அமெரிக்கா மிப்பெரிய நிலக்கரி ஏற்றுமதியாளராக உருவாகி வருகிறது. நாம் இப்போது உலகம் முழுவதும் நிலக்கரியை ஏற்றுமதி செய்து வருகிறோம். அதற்கு காரணம் நம் நிலக்கரியின் சிறந்த தரம். அமெரிக்க நிலக்கரியை ஒரு சிறந்த தயாரிப்பாக நிலைநிறுத்துவதன் ஒருபகுதியாக இந்தியாவுடனான வர்த்தக ஒப்பந்தம் அமைந்துள்ளது. நிலக்கரி ஏற்றுமதியை மேலும் அதிகரிக்க அமெரிக்கா திட்டமிட்டுள்ளது. இந்தியாவுடனான வர்த்தக ஒப்பந்தம் வரலாற்று சிறப்பு மிக்க ஒப்பந்தம்” என்று தெரிவித்தார்.