பாட்னா: பீகார் மாநிலம் மதேபுரா மாவட்டத்தில் உள்ள மேம்படுத்தப்பட்ட அரசு நடுநிலைப் பள்ளியில் நேற்று(07-02-2026) மதிய உணவு சாப்பிட்ட 70 மாணவர்கள் உடல்நலக்குறைவால் பாதிக்கப்பட்டனர். உடல்நலம் பாதிக்கப்பட்ட அனைத்து குழந்தைகளும் சதர் மருத்துவமனைக்கு கொண்டு செல்லப்பட்டனர். பெரும்பாலான குழந்தைகளின் நிலை சீராக இருந்தபோதிலும், ஒரு சிறுமியின் நிலை கவலைக்கிடமாக இருப்பதாகத் தெரிவிக்கப்பட்டது. அவருக்கு மருத்துவக் கண்காணிப்பில் சிகிச்சை அளிக்கப்பட்டு வருகிறது.

மதிய உணவு சாப்பிட்ட சிறிது நேரத்திலேயே, பல குழந்தைகளுக்கு வாந்தி ஏற்பட்டதுடன், வயிற்று வலி இருப்பதாகவும் புகார் தெரிவித்தனர். சில நிமிடங்களுக்குள், மேலும் பல மாணவர்களுக்கு இதே போன்ற அறிகுறிகள் தென்பட்டன, இது பள்ளி வளாகத்தில் பீதியை ஏற்படுத்தியது. உணவில் பல்லி விழுந்திருக்கலாம் என அப்பகுதி மக்கள் சந்தேகிக்கின்றனர். மதிய உணவு பாரஸ் அக்ரோ என்ற தன்னார்வ அமைப்பு மூலம் பள்ளிக்கு வழங்கப்படுகிறது.

பள்ளி ஆசிரியர்கள் ஆம்புலன்ஸ் மற்றும் பிற தனியார் வாகனங்களை வரவழைத்து, உடல்நலம் பாதிக்கப்பட்ட அனைத்து மாணவர்களையும் சிகிச்சைக்காக சதர் மருத்துவமனைக்கு விரைவாக அழைத்துச் சென்றனர். இதற்கிடையில், பெற்றோர்கள் மருத்துவமனையில் கூடி, இந்தச் சம்பவம் குறித்து தங்கள் கோபத்தை வெளிப்படுத்தியதுடன், இதற்கு காரணமானவர்கள்ம் மீது கடுமையான நடவடிக்கை எடுக்க வேண்டும் என்று கோரிக்கை வைத்தனர்.