மல்லசமுத்திரம், டிச.27: திருச்செங்கோடு வேளாண்மை உற்பத்தியாளர்கள் கூட்டுறவு சங்க மல்லசமுத்திரம் கிளையில், வாரம்தோறும் வெள்ளிக்கிழமை கொப்பரை ஏலம் நடந்து வருகிறது. நேற்று நடந்த ஏலத்தில் மேல்முகம், பள்ளக்குழி, அக்ரஹாரம், ராமாபுரம், பருத்திப்பள்ளி உள்ளிட்ட பல்வேறு பகுதிகளைச் சேர்ந்த விவசாயிகள் 60 கிலோ எடை கொண்ட 17 மூட்டை கொப்பரையை விற்பனைக்கு கொண்டு வந்திருந்தனர். இதில் முதல் தரம் கிலோ ரூ.100.10 முதல் ரூ.180.50 வரையும், 2ம் தரம் ரூ.96 முதல் ரூ.106 வரை என மொத்தம் ரூ.69 ஆயிரத்து 24க்கு ஏலம் போனது. இதில் பல்வேறு மாவட்ட வியாபாரிகள் கலந்து கொண்டனர். அடுத்த ஏலம் வருகிற 2ம்தேதி நடைபெறும் என அதிகாரிகள் தெரிவித்தனர்.