திருமங்கலம், டிச. 18: திருமங்கலம் அருகே தோட்டத்தில் படுத்து தூங்கிய விவசாயி விஷபூச்சி கடித்து உயிரிழந்தார். திருமங்கலம் மேலஉரப்பனூரினை சேர்ந்தவர் திருமலை(44). விவசாயி. கடந்த 14ம் தேதி தோட்டத்தில் உள்ள ஆட்டுகொட்டைகையில் படுத்து தூங்கியுள்ளார். அப்போது, இனம் தெரியாத விஷபூச்சி இவரை கையில் கடித்துள்ளது.
மறுநாள் உடல்நலம் பாதிக்கப்படவே திருமலை திருமங்கலம் அரசுமருத்துவமனையில் சிகிச்சைக்கு அனுமதிக்கப்பட்டார். அங்கிருந்து அவர் மேற்சிகிச்சைக்கு மதுரை அரசுமருத்துவமனையில் அனுமதிக்கப்பட்ட நிலையில் நேற்று காலை சிகிச்சை பலனின்றி உயிரிழந்தார். இது குறித்து திருமலையின் மனைவி பத்திரகாளி கொடுத்த புகாரில் திருமங்கலம் டவுன் போலீசார் வழக்குபதிவு செய்து விசாரணை நடத்தி வருகின்றனர்.
The post திருமங்கலம் அருகே விஷபூச்சி கடித்து விவசாயி பலி appeared first on Dinakaran.
