பூந்தமல்லி, டிச. 12: பூந்தமல்லி அடுத்த கரையான்சாவடியில் தனி கிளை சிறை செயல்பட்டு வருகிறது. இந்த சிறையில் ஆம்ஸ்ட்ராங் கொலை வழக்கில் தொடர்புடையவர்கள் மற்றும் பல்வேறு குற்ற சம்பவங்களில் தொடர்புடையவர்கள் அடைக்கப்பட்டுள்ளனர். இந்நிலையில் நேற்று பூந்தமல்லி கிளை சிறையில் கைதிகள் அடைக்கப்பட்டுள்ள ஒவ்வொரு அறையிலும் சிறை வார்டன் மற்றும் காவலர்கள் திடீர் சோதனையில் ஈடுபட்டனர். அப்போது கொலை வழக்கில் கைதாகி சிறையில் உள்ள ராபின் மற்றும் ராஜேஷ் ஆகியோர் அறையில் இருந்து செல்போன் மற்றும் பணமும் மற்றொரு கைதியின் அறையில் இருந்து சுமார் 20 கிராம் எடை கொண்ட கஞ்சாவும் பறிமுதல் செய்யப்பட்டன. இதுகுறித்து சிறை அதிகாரிகள் பூந்தமல்லி காவல் நிலையத்தில் புகார் அளித்தனர். பூந்தமல்லி போலீசார் வழக்கு பதிவு செய்து விசாரணை மேற்கொண்டு வருகின்றனர். தற்போது பலத்த போலீஸ் பாதுகாப்புக்கு மத்தியில் செயல்பட்டு வரும் இந்த தனி கிளை சிறைக்குள் கஞ்சா மற்றும் செல்போன் எப்படி வந்தது என்பது குறித்து விசாரித்து வருகின்றனர்.
The post பூந்தமல்லி கிளை சிறையில் செல்போன்கள், கஞ்சா பறிமுதல் appeared first on Dinakaran.
