ஜப்பானில் நடந்த சர்வதேச உச்சி மாநாட்டில் பங்கேற்ற நாகப்பட்டினம் அரசு பள்ளி மாணவருக்கு கலெக்டர் பாராட்டு

நாகப்பட்டினம்,நவ.5: ஜப்பானில் நடந்த சர்வதேச உயர்நிலைப் பள்ளி மாணவர்களின் முதல் உச்சி மாநாட்டில் பங்கேற்ற நாகப்பட்டினம் அரசு மாதிரி பள்ளியை சேர்ந்த மாணவர் கலெக்டர் ஆகாஷ் சந்தித்து வாழ்த்து பெற்றனர். ஐப்பானில் நடந்த சர்வதேச உயர்நிலைப் பள்ளி மாணவர்களின் முதல் உச்சி மாநாட்டில் இந்தியாவின் சார்பில் தமிழக மாணவர்கள் பங்கேற்றனர். கடந்த 2016ம் ஆண்டு முதல் ஒவ்வொரு ஆண்டும் நவம்பர் 5ம் தேதி உலக சுனாமி விழிப்புணர்வு தினமாக கொண்டாடப்படுகிறது. உலகம் முழுவதும் உள்ள உயர்நிலைப் பள்ளி மாணவர்களுக்கு சுனாமியின் அச்சுறுத்தல் மற்றும் ஆபத்து குறைப்பு நடவடிக்கைகள் தயார் நிலையை மேற்கொள்வது ஆகியவற்றை உறுதி செய்வதர்கான ஒரு தளமாக செயல்படுகிறது.

இந்நிலையில் இந்த ஆண்டுக்கான சர்வதேச உயர்நிலைப்பள்ளி மாணவர்களுக்கான உச்சி மாநாடு ஜப்பான் நாட்டில் உள்ள குமாமோட்டோ என்ற இடத்தில் கடந்த 21-ம் தேதி தொடங்கி 25-ம் தேதி வரை நடந்தது. இந்த மாநாட்டில் கடலூர் மாவட்டம் மேல்பட்டாம்பாக்கம் அரசு உயர்நிலைப்பள்ளியை சேர்ந்த பட்டதாரி ஆசிரியர் பிருந்தா வழி காட்டியாக இருந்து நாகப்பட்டினம் மாவட்டம் வேதாரண்யம் தாலுகா உம்பளச்சேரியைச்சேர்ந்த அரசு மாதிரி மேல்நிலைப்பள்ளியைச் சேர்ந்த சிவசக்தி என்ற மாணவரும், ஆந்திராவை சேர்ந்த குனராவரம் அரசு ஜூனியர் கல்லூரியைச் சேர்ந்த உதயகுமார் என்ற மாணவரும், அந்தமான் நிக்கோபார் அபர்தின் அரசு மாதிரி மேல்நிலைப் பள்ளி மாணவன் அன்சுதேவநாத் என்ற மாணவரும், காரைக்கால் வ.உ.சி அரசு மேல்நிலைப் பள்ளி மாணவி ஜனாவி என்ற மாணவியும், ஒடிசா மாநிலம் கஞ்சம் மாவட்டம் பெர்காம்பூர் கல்விக்கோட் மேல்நிலைப்பள்ளி மாணவன்  அபிஷேக் சமந்தரே ஆகிய மாணவ. மாணவிகள் உச்சி மாநாட்டில் பங்கேற்றனர்.

இம்மாநாட்டில் மாணவர்கள் சுயஉதவி மற்றும் சக ஒத்துழைப்பு பேரழிவு தடுத்தல், குமாமோட்டோவில் இருந்து உலகம் மற்றும் எதிர்காலத்துக்கான பாடங்கள், இயற்கையோடு ஒன்றிணைந்த பேரழிவு ஆபத்து குறைப்பு நடவடிக்கைகள் மற்றும் ஆக்கப்பூர்வமான மீள் கட்டமைத்தல் என்ற தலைப்புகளின் கீழ் 44 நாடுகளை சேர்ந்த மாணவ, மாணவிகள் பங்கேற்றனர். இந்நிலையில் இம்மாநாட்டில் பங்கேற்ற நாகப்பட்டினம் அரசு மாதிரி பள்ளியைச் சேர்ந்த சக்திவேல் என்ற மாணவரை கலெக்டர் ஆகாஷ் பாரட்டினார்.

The post ஜப்பானில் நடந்த சர்வதேச உச்சி மாநாட்டில் பங்கேற்ற நாகப்பட்டினம் அரசு பள்ளி மாணவருக்கு கலெக்டர் பாராட்டு appeared first on Dinakaran.