தென்காசி,நவ.5: தென்காசி தெற்கு மாவட்ட திமுக பொறுப்பாளர் ஜெயபாலன் வெளியிட்டுள்ள அறிக்கையில் கூறியிருப்பதாவது: தென்காசி சட்டமன்ற தொகுதிக்குட்பட்ட மாநில, மாவட்ட நிர்வாகிகள், ஒன்றிய, நகர, பேரூர் செயலாளர்கள், மாவட்ட சார்பு அணி அமைப்பாளர்கள், துணை அமைப்பாளர்கள் ஆலோசனை கூட்டம் எனது தலைமையில் நாளை (6ம் தேதி) மாலை 3 மணிக்கு தென்காசி மாவட்ட அலுவலகமான கலைஞர் அறிவாலயத்தில் வைத்து நடக்கிறது.
இதில் தென்காசி சட்டமன்ற தொகுதி பொறுப்பாளர் கலை கதிரவன் பங்கேற்று ஆலோசனைகளை வழங்குகிறார். கூட்டத்தில் பாக முகவர்கள் கலந்தாய்வு, வாக்காளர் பட்டியல் சரிபார்ப்பு, கட்சியின் ஆக்க பணிகள் குறித்து விவாதிக்கப்படுகிறது. எனவே அனைவரும் தவறாமல் கலந்து கொள்ளுமாறு கேட்டுக் கொண்டுள்ளார். இவ்வாறு அதில் கூறப்பட்டுள்ளது.
The post தென்காசியில் நாளை திமுக நிர்வாகிகள் ஆலோசனை கூட்டம் appeared first on Dinakaran.
