சென்னை: கமல்ஹாசன் தயாரிப்பில் ரஜினிகாந்த் நடிக்கும் படத்திலிருந்து இயக்குனர் சிபி சக்ரவர்த்தி நீக்கப்பட்டுள்ளதாக தகவல் பரவியுள்ளது. கமல்ஹாசனின் ராஜ்கமல் இன்டர்நேஷன் தயாரிக்கும் படத்தில் நடிக்க ரஜினிகாந்த் ஒப்பந்தமானார். இந்த படத்தை இயக்க சுந்தர்.சி தேர்வாகியிருந்தார். அவர் சொன்ன கதையில் திருப்தியில்லை என்பதால் படக்குழுவுடன் அவருக்கு கருத்து வேறுபாடு ஏற்பட்டதாக சொல்லப்படுகிறது. இதையடுத்து அவர் படத்திலிருந்து விலகிவிட்டார்.

அதன் பிறகு இயக்குனர் சிபி சக்ரவர்த்தி இந்த படத்துக்காக ஒப்பந்தம் செய்யப்பட்டார். இம்மாதம் இறுதியில் அல்லது அடுத்த மாதம் படப்பிடிப்பு தொடங்கும் என கூறப்பட்டது. இந்நிலையில் இப்போது சிபி சக்ரவர்த்தி நீக்கப்பட்டு விட்டதாக சினிமா வட்டாரத்தில் பேசப்படுகிறது. சிவகார்த்திகேயன் நடித்த ‘டான்’ படத்தை இதற்கு முன் சிபி சக்ரவர்த்தி இயக்கியிருந்தார். இந்த படத்திலிருந்து அவர் நீக்கப்பட்டதற்கான காரணம் தெரியவில்லை. ‘ஓ ைம கடவுளே’, ‘டிராகன்’ படங்களை இயக்கிய அஷ்வத் மாரிமுத்து ரஜினி படத்தை இயக்குவார் என்று தகவல் பரவியுள்ளது. இது குறித்து படக்குழு தரப்பில் எந்த விளக்கமும் இதுவரை அளிக்கப்படவில்லை.