ரஜினிகாந்த் நடிப்பில் வெளியான ‘கூலி’ என்ற படத்தை இயக்கியிருந்த லோகேஷ் கனகராஜ், அடுத்து கார்த்தி நடிக்கும் ‘கைதி 2’ என்ற படத்தை இயக்க திட்டமிட்டார். இந்நிலையில் ரஜினிகாந்த், கமல்ஹாசன் மீண்டும் இணைந்து நடிக்கும் படத்தை இயக்கும் வாய்ப்பு அவருக்கு கிடைத்தது. ஆனால், திடீரென்று அவர்கள் அதிரடி ஆக்ஷன் இல்லாத, நகைச்சுவை கலந்த குடும்பக்கதையை எதிர்பார்த்ததால், அப்படத்தில் இருந்து விலகிவிட்டார். தற்போது ‘சர்தார் 2’, ‘மார்ஷல்’ ஆகிய படங்களில் கார்த்தி பிசியாக இருப்பதால், ‘கைதி 2’ படத்துக்கு அவர் எப்போது கால்ஷீட் கொடுப்பார் என்று தெரியவில்லை.
இந்நிலையில், அல்லு அர்ஜூன் நடிக்கும் படத்தை இயக்க மைத்ரி மூவி மேக்கர்ஸிடம் அட்வான்ஸ் வாங்கியிருக்கும் லோகேஷ் கனகராஜ், வரும் மே மாதம் படப்பிடிப்பை தொடங்குகிறார். தற்போது அட்லீ இயக்கும் பான் வேர்ல்ட் படத்தில் அல்லு அர்ஜூன் நடித்து வருகிறார். அதை முடித்த பிறகே லோகேஷ் கனகராஜ் இயக்கத்தில் அல்லு அர்ஜூன் நடிக்கிறார். இது பான் இந்தியா படமாக உருவாக்கப்படுகிறது. ஹீரோயினாக பாலிவுட் நடிகை ஸ்ரத்தா கபூர் நடிக்க, அனிருத் இசை அமைக்கிறார்.