படுமி: ஜார்ஜியாவின் படுமி நகரில், 3வது ஃபிடே மகளிர் உலகக் கோப்பை செஸ் போட்டிகள் நடந்து வருகின்றன. இப்போட்டிகளில் சிறப்பான வெற்றிகளை பெற்ற இந்திய செஸ் வீராங்கனைகள் கொனேரு ஹம்பி, திவ்யா தேஷ்முக் இறுதிப் போட்டிக்கு தகுதி பெற்றனர். இந்நிலையில், இவர்கள் மோதிய இறுதிப் போட்டியின் முதல் ஆட்டம் நேற்று நடந்தது.

துவக்கம் முதல் இருவரும் ஒருவருக்கு ஒருவர் சளைக்காமல் ஆடினர். ஒரு கட்டத்தில் டிரா செய்து கொள்ளலாம் என ஹம்பி கூறியதை மறுத்து, திவ்யா ஆட்டத்தை தொடர்ந்தார். இருப்பினும் சிறிது நேரத்தில் இருவரும் சம்மதிக்க, ஆட்டம் டிராவில் முடிந்தது. இதையடுத்து, இவர்கள் இடையிலான 2வது ஆட்டம் இன்று நடக்கிறது.

The post உலக கோப்பை செஸ் ஹம்பி – திவ்யா முதல் ஆட்டம் டிரா appeared first on Dinakaran.