இந்திய அணிக்கு எதிரான 4வது டெஸ்டின் முதல் இன்னிங்சில் இங்கிலாந்து கேப்டன் பென் ஸ்டோக்ஸ் அற்புதமாக ஆடி 141 ரன்கள் குவித்தார். தவிர, சிறப்பாக பந்து வீசி, 72 ரன்கள் மட்டுமே தந்து 5 முக்கிய விக்கெட்டுகளை அவர் சாய்த்தார். இதன் மூலம் பல்வேறு சாதனைகளை அவர் படைத்துள்ளார். நேற்றைய போட்டியில் குவித்த ரன்களை சேர்த்து, 7000 ரன்களை ஸ்டோக்ஸ் கடந்துள்ளார்.

மேலும், அவர் எடுத்த விக்கெட்டுகளின் எண்ணிக்கை, 229 ஆக உயர்ந்துள்ளது. அதனால், டெஸ்ட் கிரிக்கெட் வரலாற்றில், 7000 ரன்கள் மற்றும் 200 விக்கெட்டுகள் சாய்த்த 3வது வீரராக ஸ்டோக்ஸ் உருவெடுத்துள்ளார். இப்பட்டியலில் தென் ஆப்ரிக்காவின் ஜாக் காலிஸ், 13,289 ரன், 292 விக்கெட்டுடன் முதலிடத்தில் உள்ளார். தவிர, ஒரே போட்டியில் சதம் மற்றும் 5 விக்கெட் அள்ளிய முதல் இங்கிலாந்து கேப்டனாக அவர் திகழ்கிறார்.

The post 7,000 ரன், 200 விக்கெட்: பென் ஸ்டோக்ஸ் சாதனை appeared first on Dinakaran.