வேலூர், ஏப்.2:வேலூர் கோட்டை காவலர் பயிற்சி பள்ளியில் ஐஜி நேற்று திடீரென ஆய்வு மேற்கொண்டார். வேலூர் கோட்டை காவலர் பயிற்சி பள்ளியில் 2ம் நிலை காவலர்கள் 200க்கும் மேற்பட்டவர்கள் பயிற்சி பெற்று வருகிறனர். அவர்களுக்கு தினந்தோறும் காலை மற்றும் மாலை வேளைகளில் பல்வேறு வகையான பயிற்சிகள் வழங்கப்பட்டு வருகிறது. இதற்கிடையில் நேற்று காவலர் பயிற்சி பள்ளி ஐஜி ஜெயகவுரி நேற்று திடீரென பயிற்சி பள்ளியை ஆய்வு செய்தார். அப்போது, 2ம் பெண் காவலர்கள் மேற்கொள்ளும் கவாத்து பயிற்சியை பார்வையிட்டார்.

தொடர்ந்து சட்ட விதிகள் குறித்தும், பயிற்சியின் முக்கியத்துவம் குறித்தும் எடுத்துக் கூறினார். மேலும் அவர்களிடம் கலந்துரையாடி குறைகள் குறித்து கேட்டறிந்தார். மேலும் போலீஸ் பயிற்சி பள்ளியிலும் புகார்கள் எழாத வகையில் பயிற்சி பெண் போலீசாரிடம் மரியாதையாகவும், கண்ணியமாகவும் நடந்து கொள்ள வேண்டும் என்று அதிகாரிகளுக்கு அறிவுறுத்தினார். அதையும் மீறி புகார்கள் வந்தால் உடனடியாக நடவடிக்கை எடுக்கப்படும் என எச்சரித்துள்ளார். நேற்று காலை முதல் மாலை வரை பயிற்சி பள்ளியை ஆய்வு செய்ததாக அதிகாரிகள் தெரிவித்தனர்.

The post வேலூர் கோட்டையில் செயல்படும் காவலர் பயிற்சி பள்ளியில் ஐஜி திடீர் ஆய்வு: புகார்கள் எழாத வகையில் பணியாற்ற உத்தரவு appeared first on Dinakaran.