செய்யூர், ஏப்.2: செய்யூர் அருகே விபத்தில் காயமடைந்த சிறப்பு எஸ்ஐ சிகிச்சை பலனின்றி பரிதாபமாக உயிரிழந்தார். செங்கல்பட்டு மாவட்டம், செய்யூர் அருகே வெண்ணாங்குப்பட்டு கிராமத்தை சேர்ந்தவர் குமார்(55). இவர், அணைக்கட்டு காவல் நிலையத்தில் சிறப்பு எஸ்ஐயாக பணியாற்றி வந்தார். கடந்த 10 நாளுக்கு முன் வேலை முடித்துவிட்டு பைக்கில் வீடு திரும்பினார். செய்யூர் சால்ட் ரோடு பகுதியில் சென்றபோது பைக் மீது லாரி மோதியதில் குமார் படுகாயம் அடைந்தார்.

மதுராந்தகம் அரசு மருத்துவமனையில் அனுமதிக்கப்பட்ட அவரை மேல் சிகிச்சைக்காக சென்னையில் உள்ள தனியார் மருத்துவமனையில் சேர்த்தனர். தீவிர சிகிச்சை அளிக்கப்பட்டு வந்த நிலையில், நேற்று முன்தினம் குமார் சிகிச்சை பலனின்றி பரிதாபமாக இறந்தார். இதுகுறித்து செய்யூர் போலீசார் வழக்குபதிவு செய்து விசாரித்து வருகின்றனர். இந்நிலையில், நேற்று வெண்ணாங்குப்பட்டில் 33 குண்டுகள் முழங்க அவரது உடலுக்கு அரசு மரியாதையுடன் நல்லடக்கம் செய்யப்பட்டது.

The post விபத்தில் காயமடைந்த சிறப்பு எஸ்ஐ பரிதாப சாவு: அரசு மரியாதையுடன் நல்லடக்கம் appeared first on Dinakaran.