புதுடெல்லி: டெல்லியில் வங்கதேசம் உள்ளிட்ட வௌிநாடுகளை சேர்ந்த ஏராளமானோர் உரிய ஆவணங்களின்றி பல ஆண்டுகளாக தங்கி உள்ளனர். இவர்களை அடையாளம் கண்டு நாடு கடத்தும் பணியில் டெல்லி காவல்துறையினர் ஈடுபட்டுள்ளனர். அந்தவகையில், கிழக்கு டெல்லியில் உள்ள மண்டாவாலி பகுதியில் நேற்று அதிரடி சோதனை நடத்திய காவல்துறையினர் வங்கதேசத்தை சேர்ந்த 2 பேர் தங்கி இருப்பதை கண்டுபிடித்தனர்.

அவர்களிடம் நடத்திய விசாரணையில், வங்கதேசத்தின் பரித்பூரை சேர்ந்த அதிபா(24) மற்றும் நர்சிங்டியை சேர்ந்த அஸ்மா(24) என தெரிய வந்தது. இருவரும் உரிய ஆவணங்களின்றி ஆறுகள் வழியாக வந்து டெல்லியின் பல இடங்களில் தங்கி இருந்ததும் தெரிய வந்தது. இதையடுத்து அவர்கள் இருவரும் கைது செய்யப்பட்டனர்.

The post டெல்லியில் சட்டவிரோதமாக தங்கி இருந்த வங்கதேச நபர்கள் கைது appeared first on Dinakaran.