தூத்துக்குடி, ஜன. 10: தூத்துக்குடி ஆசிரியர் காலனியை சேர்ந்தவர் லட்சுமணன்(38), கட்டிட தொழிலாளி. கடந்த இரு நாட்களுக்கு முன்பு இவரது வீட்டில் இருந்த நாய் குரைத்துக் கொண்டே இருந்ததாக கூறப்படுகிறது. இதுகுறித்து பக்கத்து வீட்டை சேர்ந்த கார்த்திக்(32) என்பவர், லட்சுமணனிடம் கேட்டுள்ளார். இதில் அவர்களுக்கு இடையே வாக்குவாதம் ஏற்பட்டது. இதனால் ஆத்திரமடைந்த கார்த்திக், உலக்கையால் லட்சுமணனை தாக்கியதுடன், அவதூறாக பேசி கொலை மிரட்டல் விடுத்துள்ளார். இதில் காயமடைந்த லட்சுமணன் சிகிச்சைக்காக தூத்துக்குடி அரசு மருத்துவமனையில் அனுமதிக்கப்பட்டார். இதுகுறித்த புகாரின் பேரில் தென்பாகம் போலீசார் வழக்கு பதிந்து விசாரணை நடத்தி வருகின்றனர்.
The post நாய் குரைத்த விவகாரத்தில் தொழிலாளியை தாக்கி மிரட்டல் appeared first on Dinakaran.
