செங்கல்பட்டு, ஜன.4: மதுராந்தகம் பகுதியைச் சேர்ந்தவர் சங்கர் (50). இவர், தனது இரு சக்கர வாகனத்தில் நேற்று காலை மதுராந்தகத்தில் இருந்து தாம்பரம் நோக்கி, மகேந்திரா சிட்டி பகுதியில் திருச்சி – சென்னை தேசிய நெடுஞ்சாலையில் சென்று கொண்டிருந்தார். அப்போது, அதிவேகமாக இவருக்கு பின்னால் வந்த தனியார் கல்லூரி பேருந்து சங்கரின் வாகனத்தின் மீது மோதிய டயர் ஏறி இறங்கியதில் தலை நசுங்கி பரிதாபமாக சம்பவ இடத்திலேயே உயிரிழந்தார். சம்பவ இடத்திற்கு வந்த தாம்பரம் போக்குவரத்து போலீசார் உடலை மீட்டு பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர். மேலும், வழக்குப்பதிவு செய்து ஓட்டுனரை தீவிரமாக தேடி வருகின்றனர்.

The post கல்லூரி பேருந்து மோதி முதியவர் தலை நசுங்கி பலி appeared first on Dinakaran.