கோவை: கோவை மாவட்டம் பன்னிமடை – வரப்பாளையம் சாலையில் கடந்த 24ம் தேதி கூட்டத்தில் இருந்து பிரிந்த குட்டி யானை தனியாக சுற்றி கொண்டிருப்பதாக வனத்துறையினருக்கு தகவல் கிடைத்தது. வனத்துறையினர் விரைந்து சென்று குட்டி யானையை மீட்டனர். பின்னர், தாய் யானை உயிரிழந்த நிலையில், குட்டி யானை தனியாக சுற்றி வருவது தெரியவந்தது. இதையடுத்து தாயை இழந்த குட்டி யானையை, அப்பகுதிக்கு அருகேயுள்ள யானை கூட்டங்களுடன் சேர்த்து வைக்கும் முயற்சியில் வனத்துறையினர் ஈடுபட்டனர்.
கடந்த 5 நாட்களாக குட்டி யானையை யானை கூட்டங்களுடன் சேர்க்க வனத்துறையினர் தொடர் முயற்சிகளை மேற்கொண்டனர். ஆனால், குட்டி யானையை பார்த்தவுடன் சில யானை கூட்டங்கள் தங்களது வழியை மாற்றி சென்றன. சில யானை கூட்டங்கள் குட்டி யானையை அழைத்து செல்லாமல் தனியாக விட்டு விட்டு சென்றன. எந்த யானை கூட்டமும் குட்டி யானையை சேர்த்து கொள்ளாததால், குட்டி யானையை யானை கூட்டத்துடன் சேர்க்கும் வனத்துறையினர் முயற்சிகள் தோல்வியில் முடிவடைந்தன. இதனால், குட்டி யானையை வனத்துறையினர் பராமரித்து வருகின்றனர்.
The post குட்டி யானையை கூட்டத்துடன் சேர்க்கும் முயற்சி தோல்வி appeared first on Dinakaran.
