ஆர்.கே.பேட்டை: ஆர்.கே.பேட்டையில் கட்டிட மேஸ்திரியின் வீட்டின் பூட்டை உடைத்து 12 சரவன் தங்க நகைகள் திருடிய வழக்கில் 3 பேரை, போலீசார் கைது செய்தனர். ஆர்.கே.பேட்டை ஒன்றியம், சேதுவராகப்புரம் ஊராட்சியை சேர்ந்தவர் ராஜேஷ்(41). கட்டிட மேஸ்திரியாக வேலை செய்து வருகிறார். இவருக்கு, ஷோபனா என்ற மனைவியும், 2 மகன்களும் உள்ளனர். வழக்கம்போல் கடந்த ஆகஸ்ட் மாதம் 27ம்தேதி ராஜேஷ் வேலைக்கும், அவரது மனைவி 100 நாள் வேலைக்கும் சென்றிருந்த நிலையில், அவரது வீட்டின் பூட்டை உடைத்து பீரோவிலிருந்த 12 சரவன் தங்க நகைகளை, மர்ம நபர்கள் திருட்டிச்சென்றுள்ளனர்.

அதிர்ச்சியடைந்த ராஜேஷ், இதுகுறித்து ஆர்.கே.பேட்டை காவல் நிலையத்தில் புகார் அளித்தார். அதன்பேரில், வழக்குப்பதிவு செய்த போலீசார், சம்பவ இடத்தில் சிசிடிவி கேமரா பதிவுகளை ஆய்வு செய்து குற்றவாளிகளை தேடி வந்தனர்.

இந்நிலையில், நகை திருட்டு வழக்கில் தலைமறைவாக இருந்த ஆர்.கே.பேட்டை ஒன்றியம், கொண்டாபுரம் கிராமத்தை சேர்ந்தகள் சிரஞ்சீவி(32), லோகேஷ்(34) மற்றும் ஆந்திர மாநிலம், சித்தூர் மாவட்டம், பாலசமுத்திரம் கன்னிகாபுரம் காலனியை சேர்ந்த தினேஷ்(23) ஆகிய 3 பேரையும், சப்-இன்ஸ்பெக்டர் ராக்கிகுமாரி நேற்று முன்தினம் கைது செய்தார். மேலும், அவர்களிடமிருந்து 12 சவரன் நகைகள், பைக்கினை பறிமுதல் செய்து, 3 பேரையும் நேற்று நீதிமன்றத்தில் ஆஜர்படுத்தி சிறையில் அடைத்தார்.

The post திருட்டு வழக்கில் 3 பேர் கைது appeared first on Dinakaran.