தா.பழூர், டிச. 19: சாத்தம்பாடி சித்தேரி அருகே மணல் ஏற்றிச் சென்ற மாட்டு வண்டியை போலீசார் பறிமுதல் செய்து, ஒருவரை கைது ெசய்தனர். அரியலூர் மாவட்டம் விக்கிரமங்கலம் காவல் உதவி ஆய்வாளர் தனச்செல்வன் தலைமையிலான காவல்துறையினர் சாத்தம்பாடி பகுதிகளில் ரோந்து பணியில் ஈடுபட்டிருந்தனர். அப்பொழுது சாத்தம்பாடி சித்தேரி அருகே எதிரே வந்த மாட்டு வண்டியை மறித்து சோதனை மேற்கொண்டனர். அப்பொழுது அதில் சாத்தம்பாடி கொள்ளிடம் ஆற்று படுகை பகுதிகளில் இருந்து முத்துவாஞ்சேரி பகுதிகளுக்கு மணல் கடத்தியது தெரியவந்தது. பின்னர், மாட்டு வண்டியை பறிமுதல் செய்து வழக்கு பதிவு செய்து மாட்டு வண்டியை ஓட்டி வந்த சாத்தம்பாடி மெயின் ரோடு பகுதியை சேர்ந்த அருள்ராஜ்(24) என்பவரை கைது செய்து விக்கிரமங்கலம் காவல்துறையினர் விசாரணை மேற்கொண்டு வருகின்றனர்.

The post மணல் கடத்திய மாட்டு வண்டி பறிமுதல் appeared first on Dinakaran.