குடியாத்தம், டிச.16: குடியாத்தம் அடுத்த அம்மனாங்குப்பம் கிராமத்தை சேர்ந்தவர் தேவகி(70). இவர் கடந்த 2 தினங்களுக்கு முன்பு தண்ணீர் காய்ச்சுவதற்கு விரகு அடுப்பை பற்ற வைத்துள்ளார். அப்போது தீ சரியாக பற்றாததால் மண்ணெண்ணையை ஊற்றி தீ வைத்துள்ளார். இதனால் தீ மள மளவென எரிந்த நிலையில், எதிர்பாராத விதமாக மூதாட்டி சேலையில் தீப்பற்றி உடல் முழுவதும் பரவியது. இதில் அவர் பலத்த காயமடைந்தார். அவரது அலறல் சத்தம் கேட்டு வந்த அக்கம்பக்கத்தினர் உடனே மீட்டு சிகிச்சைக்காக குடியாத்தம் அரசு மருத்துவமனையில் சேர்த்தனர். அங்கிருந்து வேலூர் அரசு மருத்துவமனைக்கு மேல் சிகிச்சைக்காக மாற்றப்பட்டு சிகிச்சை பெற்று வந்த நிலையில், நேற்று இரவு சிகிச்சை பலனின்றி பரிதாபமாக உயிரிழந்தார். இதுகுறித்து குடியாத்தம் டவுன் போலீசார் வழக்கு பதிவு விசாரணை நடத்தி வருகின்றனர்.

The post தீ விபத்தில் மூதாட்டி உயிரிழப்பு appeared first on Dinakaran.