நெல்லிக்குப்பம், டிச. 6: நெல்லிக்குப்பம் அருகே திருக்கண்டீஸ்வரம் தோப்புத்தெருவை சேர்ந்தவர் கிருஷ்ணன் மனைவி சாந்தி(50). இவர்கள் கூரை வீட்டில் வசித்து வருகின்றனர். இந்நிலையில் பெஞ்சல் புயல் தாக்கத்தால் ஆற்றில் வெள்ளப்பெருக்கு ஏற்பட்டு கிருஷ்ணன் வீட்டுக்குள் தண்ணீர் புகுந்தது. இதில் சிக்கி உடல் நல குறைவால் பாதிக்கப்பட்ட சாந்தியை கடந்த 3ம் தேதி கடலூர் அரசு தலைமை மருத்துவமனையில் சிகிச்சைக்காக சேர்க்கப்பட்டார்.

அங்கு சிகிச்சை பலனின்றி நேற்று பரிதாபமாக உயிரிழந்தார். தகவல் அறிந்த நெல்லிக்குப்பம் போலீசார் உடலை மீட்டு பிரேத பரிசோதனைக்காக அனுப்பி வைத்தனர். இதுகுறித்த புகாரின் பேரில், போலீசார் வழக்கு பதிவு செய்து விசாரணை நடத்தி வருகின்றனர்.

The post வெள்ளத்தில் சிக்கிய மூதாட்டி சிகிச்சை பலனின்றி சாவு appeared first on Dinakaran.