குடியாத்தம், டிச.5: குடியாத்தம் நேதாஜி சிலை சந்திப்பில் இருந்து பழைய பஸ் நிலையம் வழியாக நேற்று முன்தினம் இரவு 2 வாலிபர்கள் பைக் ரேஸில் ஈடுபட்டனர். பின்னர், அந்த வாலிபர்கள் சாலை ஓரம் சென்று கொண்டிருந்த சிலர் மீது பைக்கில் மோதி விட்டு வேகமாக சென்றனர். இதையறிந்த பாதுகாப்பு பணியில் ஈடுபட்டு கொண்டிருந்த குடியாத்தம் டவுன் போலீசார் அவர்களை பின் தொடர்ந்து சென்றனர். குடியாத்தம் அடுத்த படவேடு எல்லையம்மன் கோயில் அருகே 2 பேரையும் மடக்கி பிடித்தனர். பின்னர், போலீசார் அவர்களிடம் இருந்து பைக்கை பறிமுதல் செய்தனர். மேலும், இதுகுறித்து வழக்கு பதிந்து விசாரணை நடத்தி வருகின்றனர். முன்னதாக அந்த வாலிபர்களின் பைக் மோதியதில் தனியார் கல்லூரி செக்யூரிட்டி கால் எலும்பு முறிவு ஏற்பட்டது குறிப்பிடத்தக்கது.

The post பைக் சாகசம் செய்து செக்யூரிட்டி கால் உடைத்த வாலிபர்கள் போலீசார் விசாரணை appeared first on Dinakaran.