தர்மபுரி, டிச.3: பாலக்கோடு அருகே, சாலப்பள்ளம் கிராமத்தை சேர்ந்தவர் கிருஷ்ணன் (67), விவசாயி. இவர் ஆடு, மாடுகளை வளர்த்து வந்தார். நேற்று முன்தினம், கால்நடைகளுக்கு தண்ணீர் வைக்க சென்றபோது, தண்ணீர் இல்லாததால், மின் மோட்டாரை இயக்கினார். அப்போது, எதிர்பாராத விதமாக கிருஷ்ணன் மீது மின்சாரம் பாய்ந்ததில் பலத்த காயம் அடைந்தார். இதை கண்ட அருகில் உள்ளவர்கள் அவரை மீட்டு, உடனடியாக தர்மபுரி அரசு மருத்துவமனைக்கு கொண்டு சென்றனர். அங்கு அவரை பரிசோதனை செய்த மருத்துவர்கள் கிருஷ்ணன், ஏற்கனவே உயிரிழந்து விட்டதாக தெரிவித்தனர். இதுகுறித்து பாலக்கோடு போலீசார் வழக்குப்பதிவு செய்து, விசாரணை நடத்தி வருகின்றனர்.

The post மின்சாரம் பாய்ந்து விவசாயி பலி appeared first on Dinakaran.