ஓசூர், நவ.30: கிருஷ்ணகிரி மாவட்ட பள்ளிக்கல்வித்துறை சார்பில், மாவட்ட அளவிலான சிலம்ப போட்டிகள், கிருஷ்ணகிரியில் உள்ள தனியார் பள்ளியில் 2 நாள் நடைபெற்றது. இதில் கிருஷ்ணகிரி மாவட்டத்தின் பல்வேறு பள்ளிகளில் இருந்து 800 மாணவர்கள் கலந்து கொண்டனர். ஓசூர் அகத்திய வீர சிலம்பு பள்ளி மாணவர்கள் ரித்திகா, பிரவீன், பூஜா, தனுசீலன், தரன், தர்ஷிதா ஆகிய 6 பேர் கலந்து கொண்டனர். இதில் 4 மாணவர்கள் முதலிடம் பெற்று தங்கப்பதக்கமும், 2 மாணவர்கள் வெள்ளிப்பதக்கமும் வென்றனர். பதக்கம் வென்ற மாணவர்களுக்கு, காமராஜர் நகரில் உள்ள சிலம்ப பள்ளியில் நேற்று பாராட்டு விழா நடைபெற்றது. நிகழ்ச்சியில் பாமக மாவட்ட துணை செயலாளர் வெங்கடேஷ், சிலம்ப பள்ளி ஆசிரியர் லோகநாதன், மாணவர்கள், பெற்றோர்கள் கலந்து கொண்டு, மாணவர்களை வாழ்த்தி பாராட்டினர்.

The post பதக்கம் வென்ற ஓசூர் மாணவர்கள் appeared first on Dinakaran.