நொய்டா: 12 அணிகள் பங்கேற்றுள்ள 11வது புரோ கபடி லீக் தொடர் போட்டிகள் நொய்டாவில் நடந்து வருகிறது. இதில் நேற்று நடந்த 49வது லீக் போட்டியில் பெங்களூரு புல்ஸ்-ஜெய்ப்பூர் பிங்க் பாந்தர்ஸ் அணிகள் மோதின. இந்த போட்டியில் முதல் பாதியில் பெங்களூரு முன்னிலை வகித்த நிலையில் 2வது பாதியில் ஜெய்ப்பூர் சிறப்பாக ஆடி 39-32 என வெற்றி பெற்றது. தொடர்ந்து இரவு 9 மணிக்கு நடந்த மற்றொரு போட்டியில் தபாங் டெல்லி-புனேரி பால்டன் மோதின.

விறுவிறுப்புடன் நடந்த இந்த போட்டியில் முதல் பாதியில் 21-13 என புனேரி முன்னிலை வகித்தது. ஆனால் 2வது பாதியில் டெல்லி வீரர்கள் அதிரடியாக ஆட ஆட்டத்தில் கடைசி நொடி வரை அனல் பறந்தது. முடிவில் 38-38 என போட்டி சமனில் முடிந்தது. இன்று இரவு 8 மணிக்கு குஜராத் ஜெயன்ட்ஸ்-பெங்கால் வாரியர்ஸ்-இரவு 9 மணிக்கு பாட்னா பைரேட்ஸ்-அரியானா ஸ்டீலர்ஸ் மோதுகின்றன.

The post புரோ கபடி லீக்கில் இன்று குஜராத்-பெங்கால் வாரியர்ஸ் பாட்னா-அரியானா மோதல் appeared first on Dinakaran.