ஜனநாயகன் படம் பார்த்து கண்ணீர் விட்டு அழுத அமைச்சர்: புதுகை தியேட்டரில் பரபரப்பு

புதுக்கோட்டை: புதுக்கோட்டை மேலராஜ வீதியில் உள்ள விஜய் திரையரங்கில் ஜனநாயகன் படம் இன்று வெளியானது. காலை முதல் காட்சியில் தொழிலாளர் நலன் மற்றும் திறன் மேம்பாட்டுத்துறை அமைச்சர் முகமது பர்வேஸ் ஜனநாயகன் திரைப்படத்தை பார்த்தார். இதற்காக காவல்துறை பாதுகாப்போடு தேசியக்கொடி பொருத்தப்பட்ட அரசு வாகனத்தில் திரையரங்குக்கு அமைச்சர் முகமது பர்வேஸ் வந்தார்.

அப்போது அவரிடம் இதுவரை ரசிகராக வந்து விஜய் நடித்த திரைப்படத்தை பார்த்திருப்பீர்கள். தற்போது அமைச்சராக படம் பார்க்க வருவது எப்படி இருக்கிறது என்று நிருபர்கள் கேள்வி எழுப்பினர். அதற்கு அரசியல் வேறு, இது வேறு என்று அமைச்சர் கூறினார். இதைதொடர்ந்து ஜனநாயகன் திரைப்படத்தை அமைச்சர் பார்வையிட்டார். அப்போது விஜய்யின் கடைசி படம் என்பதால் கண்ணீர் விட்டு அழுது கொண்டே அமைச்சர் பர்வேஸ் திரைப்படத்தை பார்த்தார்.