புதுடெல்லி: தமிழ்நாடு உள்ளிட்ட 10 மாநிலங்களில் காலியாக உள்ள 24 மாநிலங்களவை உறுப்பினர் இடங்களுக்கான தேர்தல் வரும் 18ம் தேதி நடைபெற உள்ளது. இதில், மபி, ராஜஸ்தான் உள்ளிட்ட 5 மாநிலங்களுக்கான மாநிலங்களவை தேர்தலுக்கான 11 வேட்பாளர்கள் பட்டியலை பாஜ நேற்று வெளியிட்டது.
இதில் மபி, ராஜஸ்தான் மாநிலங்களுக்கான வேட்பாளர் பட்டியலில் ஒன்றிய அமைச்சர்களான ரவ்னீத் சிங் பிட்டு மற்றும் ஜார்ஜ் குரியன் ஆகியோரின் பெயர்கள் இடம் பெறவில்லை. இவர்களின் பதவிக்காலம் வரும் 21ம் தேதியுடன் முடிவடைகிறது. இரு அமைச்சர்களுக்கும் பாஜ மீண்டும் வாய்ப்பு தராததால் விரைவில் அமைச்சரவை மாற்றம் நிகழ்வது உறுதியாகி உள்ளது.
