பெங்களூரு: கர்நாடக முதல்வர் பதவிக்கு தற்போதைய துணை முதல்வர் டி.கே.சிவகுமார் முயற்சி செய்கிறார். ஆனால், காங்கிரஸ் மேலிடம் இதுவரை எந்த முடிவையும் எடுக்கவில்லை. இந்நிலையில் காங்கிரஸ் மேலிடத்தின் அழைப்பை ஏற்று முதல்வர் சித்தராமையா டெல்லி சென்றுள்ளார். அதே போல் நேற்று இரவு டி.கே.சிவகுமாரையும் கட்சிமேலிடம் திடீரென அழைத்தது.

அவரும் டெல்லி புறப்பட்டு செல்கிறார். டெல்லியில் கட்சியின் அகில இந்திய தலைவர் மல்லிகார்ஜுன கார்கே, கட்சியின் அகில இந்திய பொதுச்செயலாளர் கே.சி.வேணுகோபால் உள்பட மூத்த தலைவர்களை சந்தித்து ஆலோசனை நடத்தகிறார்கள். இதில் முதல்வர் மாற்றம், அமைச்சரவை மாற்றம், குறித்து விவாதிக்கப்பட இருக்கிறது.