திருவனந்தபுரம்: கேரளத்தில் விஸ்கி, பிராந்தி, ரம், பீர் உள்பட இந்திய தயாரிப்பு வெளிநாட்டு மது வகைகளை கேரள மதுபான விற்பனைக் கழகம் சில்லறைக் கடைகள் மூலம் விற்பனை செய்து வருகிறது. மாநிலம் முழுவதும் 350க்கும் மேற்பட்ட சில்லறை விற்பனை கடைகள் உள்ளன.
இந்தநிலையில் நேற்று முதல் சில மது வகைகளின் விலையை குறைக்க கேரள மதுபான விற்பனைக் கழகம் தீர்மானித்தது. இதன் மூலம் 500 மிலி மது பாட்டில் விலை ரூ. 20 முதல் ரூ.50 வரை குறைக்கப்பட்டுள்ளது. இந்த விலை குறைப்பு மதுபிரியர்களுக்கு உற்சாகத்தை ஏற்படுத்தி உள்ளது.
