அணைக்கட்டு, மே 5: அணைக்கட்டு தொகுதியில் வாக்குப்பதிவு இயந்திரம் திடீரென பழுதானதால் 23வது சுற்றாக எண்ணப்பட்டு முடிவு அறிவிக்கப்பட்டது. வேலூர் மாவட்டம் அணைக்கட்டு சட்டமன்ற தொகுதியில் வாக்கு எண்ணிக்கை பணி நடைபெறும் போது கீழ்கொத்தூர் வாக்குச்சாவடி எண் 118க்கான வாக்கு எண்ணிக்கை தொடங்கும் போது வாக்குப்பதிவு இயந்திரம் வேலை செய்யவில்லை. இதனால் அந்த இயந்திரத்தில் பதிவான வாக்குகள் எண்ணுவது நிறுத்தி வைக்கப்பட்டு கடைசியாக 23வது சுற்றாக விவிபேட் இயந்திரத்தில் விழுந்த சின்னம் பதிவான சீட்டுகள் வைத்து கணக்கீடு செய்யப்பட்டு இறுதி செய்யப்பட்டது. இதனால் 22 சுற்றுகளில் முடிய வேண்டிய எண்ணிக்கை 23 சுற்றுகளாக எண்ணப்பட்டு முடிவு அறிவிப்பதில் தாமதம் ஏற்பட்டு இறுதியாக அறிவிக்கப்பட்டு முடிக்கப்பட்டது.