பெரியவர்கள் மற்றும் குழந்தைகள் உடலுக்கு குளிர்ச்சி தரும், சத்தான கஞ்சி மிக்ஸ் வீட்டிலேயே எளிதாக தயாரிக்கலாம். இது கோடைக்காலத்தில் உடல் வெப்பத்தை கட்டுப்படுத்தவும், சக்தியை அதிகரிக்கவும் உதவும்.

தேவையான பொருட்கள்
*ராகி 1 கப்
*சாமை ½ கப்
*கம்பு ½ கப்
*பாசிப்பருப்பு ½ கப்
*சுண்டல் (பச்சை பயறு) ½ கப்
*பாதாம் 10
*ஏலக்காய் 4.

தயாரிக்கும் முறை
எல்லா தானியங்களையும் தனித்தனியாக நன்றாக கழுவி உலர்த்தவும்.
பிறகு ஒவ்வொன்றாக லேசாக வறுத்து கொள்ளவும் . முழுவதும் குளிர்ந்த பிறகு மிக்சியில் தனித்தனியாக நன்றாக பொடியாக அரைக்கவும். பின் அரைத்த மாவுகளை ஒன்றாக கலந்து அதன் மிக்சி சூடு ஆறியவுடன், காற்று புகாத டப்பாவில் சேமிக்கவும்.

கஞ்சி செய்வது எப்படி
1 டீஸ்பூன் மிக்ஸ் + 1 கப் தண்ணீர்/பால் நன்றாக கெட்டியாகும் வரை சமைக்கவும் தேவைக்கு வெல்லம் அல்லது உப்பு சேர்க்கலாம். வேண்டுமானால் மோர் கலந்தும் அருந்தலாம். தேவைப்பட்டால் இதில் சிறிய வெங்காயம் நறுக்கிச் சேர்க்கலாம். இன்னும் சிறப்பான பானமாக மாற்ற சிறிது தேங்காய்ப் பால் கலந்து இத்துடன் நாட்டுச் சர்க்கரை சேர்த்து, உடன் திராட்சை மற்றும் முந்திரி சேர்த்து ஐஸ் கட்டிகள் கலந்து குடிக்க கூடுதல் சுவையாக இருக்கும்.

நன்மைகள்
உடல் வெப்பத்தை குறைக்கும்.
குழந்தைகள் மற்றும் பெரியவர்களுக்கு சக்தி இழப்புக்கு உதவும்.
கோடையில் பொதுவாக ஏற்படும் மெதுவான செரிமானத்துக்கு இது சிறப்பான உணவு. மேலும் செரிமான பிரச்சனைகளையும் சீர் செய்யும்.
குழந்தைகளுக்கு எட்டு மாதத்திற்கு பிறகு கொடுக்கலாம். ஆரம்பிக்கும் போது திரவமாக கொடுக்கவும். சர்க்கரைக்கு பதில் வெல்லம் சேர்ப்பது நல்லது. நீரிழிவு நோயாளிகள் காலை நேர உணவாக சர்க்கரை சேர்க்காமல் உப்பு கலந்து மோருடன் அருந்தலாம்.
– எஸ். ஆர்த்தி