அதிமுக, பாஜ கூட்டணியில் பாமகவுக்கு (அன்புமணி) 18 தொகுதிகள் ஒதுக்கீடு செய்யப்பட்டுள்ளது. அதன்படி சோளிங்கர், போளூர், சேலம் மேற்கு, தர்மபுரி, பென்னாகரம், விக்கிரவாண்டி, மயிலாடுதுறை, திருப்போரூர், உத்திரமேரூர், ஜெயங்கொண்டம், செஞ்சி, விருத்தாசலம், ரிஷிவந்தியம், காட்டுமன்னார்கோவில், கீழ்வேளூர், பெரம்பலூர், சேலம் வடக்கு, அம்பத்தூர் ஆகிய 18 தொகுதிகளில் பாமக போட்டியிடுகிறது.
இதில் செஞ்சி, கீழ்வேளூர், அம்பத்தூர் ஆகிய தொகுதிகளின் வேட்பாளர்களை அன்புமணி வெளியிட்டுள்ளார். மீதமுள்ள வேட்பாளர்கள் பட்டியல் வெளியிடப்பட உள்ள நிலையில் அன்புமணியின் மனைவி சவுமியா நேற்று காலை திருவண்ணாமலை அண்ணாமலையார் கோயிலில் பாமக வேட்பாளர்களின் பட்டியலை வைத்து பூஜை செய்தார்.