திருவொற்றியூர், மார்ச் 23: திருவொற்றியூர் கிழக்கு பகுதி திமுக சார்பில் வார்டு செயலாளர்கள் மற்றும் பாக முகவர்கள் ஆலோசனை கூட்டம் சன்னதி தெருவில் உள்ள கட்சி தலைமை அலுவலகத்தில் நடந்தது. அவைத்தலைவர் ஆசைத்தம்பி தலைமை வகித்தார். மாவட்ட அவைத்தலைவர் குறிஞ்சி கணேசன் முன்னிலை வகித்தார்.
திருவொற்றியூர் கிழக்கு பகுதி செயலாளர், மண்டல குழு தலைவர் தி.மு.தனியரசு கலந்துகொண்டு பாக முகவர் வாக்காளர்கள் குறிப்பேடு புத்தகம் வழங்கி, மார்ச் 26ம் தேதிக்குள் விடுபட்ட வாக்காளர்களை பட்டியலில் சேர்க்க வேண்டும். வெல்லும் தமிழ் பெண்கள் பரப்புரை மூலம் முதல்வர் மு.க.ஸ்டாலின் செய்துள்ள திட்டங்களையும் பயன்களையும் பொதுமக்களிடத்தில் எடுத்துரைத்து ஆதரவு திரட்ட வேண்டும் போன்ற பல்வேறு ஆலோசனைகளை வழங்கினார். நிகழ்ச்சியில் கவுன்சிலர் கவிகணேசன்,
நிர்வாகிகள் எம்.வி.குமார், பிரபாவதி, இரா.குமரேசன், சதீஷ்குமார், மணிகண்டன், கேபிள் டிவி ராஜா, பி.எஸ்.சைலஸ், எஸ்.பொன்னிவளவன், எம்.கோமளவள்ளி உள்பட பலர் கலந்து கொண்டனர்.