டெல்லி: பாஜக தேசிய தலைவர் நிதின் நபினை மாநிலங்களவை வேட்பாளராக பாஜக அறிவித்தது . பல்வேறு மாநிலங்களில் நடைபெறவிருக்கும் மாநிலங்களவையின் இந்த ஆண்டு தேர்தல்களுக்கு பாஜக மத்திய தேர்தல் குழு பின்வரும் பெயர்களுக்கு ஒப்புதல் அளித்துள்ளது. அசாம், பீகார், சத்தீஸ்கர், ஹரியானா, ஒடிசா, மேற்கு வங்கத்தில் இருந்து 9 பாஜக வேட்பாளர்கள் பட்டியல் ரிலீஸ் செய்தது.பீஹாரில் இருந்து எம்எல்ஏ ஆன நிதின் நபின் கடந்த சில மாதங்களுக்கு முன்பு பாஜவின் தேசியத் தலைவராக பதவியேற்றுக் கொண்டார்.

இந்நிலையில், நாடு முழுவதும் காலியாகும் 37 ராஜ்யசபா எம்பி பதவிகளுக்கு வரும் மார்ச் 16 ம் தேதி தேர்தல் நடக்கவுள்ளது. அதில் பாஜவின் தேசியத் தலைவராக உள்ள நிதின் நபின் பீஹார் மாநிலத்தில் இருந்து போட்டியிடுகிறார். பாஜ வெளியிட்ட 9 பேர் கொண்ட பட்டியலிலில் இடம்பெற்றுள்ளவர்கள். நிதின் நபின்( பீஹார்), சிவேஷ் குமார்( பீஹார்), தரேஷ் கோவாலா, ஜோகென் மோகன் அசாம்), லட்சுமி வர்மா ( சத்தீஸ்கர்), சஞ்சய் பாட்டியா ஹரியானா), மன்மோகன் சமல், சுஜித் குமார்( ஒடிஷா ராகுல் சின்ஹா மேற்கு வங்கம்) ஆகியோர் போட்டியிடவுள்ளனர்.