அகமதாபாத்: ஐசிசி ஆடவர் உலக கோப்பை கிரிக்கெட் தொடரில் நேற்று டி பிரிவில் அகமதாபாத்தில் நடந்த 24வது போட்டியில் தென் ஆப்ரிக்கா, நியூசிலாந்து அணிகள் மோதின. டாஸ் வென்ற தென் ஆப்ரிக்கா பவுலிங்கை தேர்வு செய்ய நியூசிலாந்தின் ஓபனராக இறங்கிய டிம் செப்பர்ட் 13 ரன், ரவீந்திரா 13 ரன், பிலிப்ஸ் 1 ரன்னில் நடையை கட்ட நியூசிலாந்து அணி பவர் பிளேயில் 58 ரன்னுக்கு 3 விக்கெட்டை இழந்து தடுமாறியது. அதேநேரம் மற்றொரு ஓபனர் பின் ஆலன் 31 ரன், சேப்மன் 48 ரன், மிட்சல் 32 ரன், நிசம் 23 ரன் எடுத்து கை கொடுக்க நியூசிலாந்து அணி 20 ஓவர் முடிவில் 7 விக்கெட் இழப்பிற்கு 175 ரன்கள் எடுத்தது. தென் ஆப்ரிக்கா தரப்பில் அதிகபட்சமாக யான்சன் 4 விக்கெட் எடுத்தார். அடுத்து 176 ரன் எடுத்தால் வெற்றி என்ற இலக்குடன் களமிறங்கிய தென்னாப்பிரிக்கா 20 ஓவர்களில் 3 விக்கெட் இழப்புக்கு 178 ரன்களை எடுத்தது. இதன் மூலம் அந்த அணி 7 விக்கெட் வித்தியாசத்தில் வெற்றி பெற்றது.